اسلام آباد(نمائندہ خصوصی):پاکستان کرکٹ بورڈ (پی سی بی) کے چیئرمین محسن نقوی نے کہا ہے کہ بھارت کو تحفظات ہیں تو آگاہ کردے ہم دور کردیں گے مگر چیمپئنز ٹرافی پاکستان میں ہی ہو گی۔ میڈیا سے گفتگو کرتے ہوئے چیئرمین پی سی بی محسن نقوی کا کہنا تھا کہ ہم اپنے ہدف کوحاصل کریں گے، چیمپئنز ٹرافی پاکستان میں ہی کرائیں گے، ہم نے آئی سی سی کو خط لکھا 
تھا جواب کا انتظار ہے، آئی سی سی کو اپنی ساکھ کے بارے میں خود سوچنا پڑے گا، آئی سی سی دنیائےکرکٹ کی واحد مضبوط باڈی ہے۔انہوں نے کہا کہ اب بھی چیمپئنز ٹرافی کے بارے میں اچھے کی امید رکھتا ہوں، کھیل اور سیاست علیحدہ علیحدہ چیزیں ہیں، کسی بھی ملک کو سیاست کو درمیان میں نہیں لانا چاہیے، میرا نہیں خیال کہ کوئی بھی ہمیں ٹف ٹائم دے سکتا ہے، بھارت کے علاوہ تمام ٹیمیں پاکستان آنے کیلئے تیار ہیں، بھارت کو کوئی تشویش ہے تو ہم سے بات کرے ہم دور کریں گے۔چیئرمین پی سی بی نے کہا کہ چیمپئنز ٹرافی تک عاقب جاوید سے ہیڈ کوچ کے طور پر فرائض انجام دینے کی گزارش کی ہے، عاقب جاوید وقتی طور پر ہیڈ کوچ ہوں گے، ہم ہیڈ کوچ کیلئے اپنا پراسیس شروع کرنے جارہے ہیں، عاقب جاوید چیمپئنز ٹرافی تک وائٹ بال کرکٹ کیلئے ہیڈ کوچ ہوں گے۔
چیمپیئنز ٹرافی پاکستان میں ہی ہو گی، بھارت کو تحفظات ہیں تو آگاہ کرے دور کردینگے، محسن نقوی
