: راولپنڈی( نمائندہ خصوصی )بلوچستان کے ضلع ہرنائی میں مادر وطن کا دفاع کرتے ہوئے جام شہادت نوش کرنے والے میجر محمد حسیب شہید عمر 28 سال ساکن ڈسٹرکٹ راولپنڈی کی نماز جنازہ چکلالہ گیریژن راولپنڈی میں ادا کی گئی۔تقریب میں 
آرمی چیف جنرل سید عاصم منیر NI(M) وفاقی وزیر PD&SI جناب احسن اقبال سمیت اعلیٰ عسکری و سول حکام افسران جوانوں اور شہید کے لواحقین نے شرکت کی آرمی چیف نے کہا کہ بہادر افسران اور جوانوں کی قربانیاں دہشت گردی کی لعنت کے خلاف ملک کے دفاع کے لیے غیر متزلزل لگن کی مثال ہیں۔ انہوں نے روشنی ڈالی کہ قوم فتنہ الخوارج اور ان کی باگ ڈور سنبھالنے والوں کے خلاف جنگ میں مسلح افواج اور قانون نافذ کرنے والے اداروں کے ساتھ یکجہتی کے ساتھ کھڑی ہے
