بونیر( نمائندہ خصوصی ) ڈوما چغرزی کے علاقہ میں افسوسناک ٹریفک حادثہ میں 8 افراد جاں بحق جبکہ 6 شدید زخمی ہو گئے۔پولیس ذرائع کے مطابق حادثہ گاڑی کے بریک فیل ہونے کے باعث پیش آیا، پک اپ گاڑی گہری کھائی میں جاگری۔ریسکیو 1122 کی جانب سے لاشوں اور زخمیوں کو ڈسٹرکٹ ہیڈکوارٹرز ہسپتال ڈگر منتقل کر دیا گیا ہے، جاں بحق ہونے والوں میں خواتین بھی شامل ہیں۔ریسکیو عملہ کے مطابق حادثہ گاڑی کےبریک فیل ہونے کے باعث پیش آیا، گاڑی گہری کھائی میں گرنے سے جانی نقصان 
زیادہ ہوا۔گورنر پنجاب سردار سلیم حیدر خان نے بونیر میں گاڑی کھائی میں گرنے کے نتیجے میں متعدد افراد کے جاں بحق ہونے پر اظہار افسوس کیا، گورنر پنجاب نے سوگوار خاندانوں سے اظہار تعزیت اور زخمی افراد کی جلد صحتیابی کے لیے دعا کی ہے۔دوسری جانب پنجاب کے ضلع شیخوپورہ میں وین اور ٹرالر کے تصادم میں چار افراد جان سے گئے۔ریسکیو ذرائع کے مطابق حادثہ مانانوالا کے قریب پیش آیا، جہاں مخالف سمت میں آنے والی وین اور ٹرالر آپس میں ٹکرا گئے ، حادثے میں چار افراد موقع پر بھی ہی دم توڑ گئے، مرنے والوں میں ایک بچہ بھی شامل ہے۔ذرائع نے مزید بتایا کہ حادثہ میں 8 شدید زخمی ہوئے جہنیں علاج معالجہ کیلئے مقامی ہسپتال منتقل کردیا گیا، وین مسافروں کو لے کر فاروق آباد جارہی تھی۔
ڈوما چغرزی میں گاڑی کھائی میں گر گئی، 8 افراد جاں بحق، 6 زخمی
ریسکیو 1122 کی جانب سے لاشوں اور زخمیوں کو ڈسٹرکٹ ہیڈکوارٹرز ہسپتال ڈگر منتقل کر دیا گیا ہے، جاں بحق ہونے والوں میں خواتین بھی شامل ہیں۔شیخوپورہ میں وین اور ٹرالر کے تصادم میں چار افراد جان سے گئے
جواب دیں
ہماری ویب سائٹ پر تازہ ترین خبریں حاصل کریں۔
