کراچی(رپورٹ فداعباسی)ملیر15مویشی منڈی میں گیٹ پاس کے نام پرغیرقانونی رقم وصولی دھڑلے سے جاری ہے ڈی ایم سی ملیر کے ٹیکسیشن افسران اور بعض پولیس افسران کی ملی بھگت سے جاری یہ غیرقانونی دھندہ ایڈمنسٹریٹر اور میونسپل کمشنر کے علم میں لانے کے باوجود نہ رک سکا 5جولائی کو اس غیرقانونی عمل کی خبر بمعہ 100 روپے کی رسید بطور ٹبوت بھیجے گئے خبر اور رسیدیں ایڈمنسٹریٹراورمیونسپل کمشنر کے واٹس ایپ نمبر پر بھیجی گئیں لیکن اس کے باوجود کوئی کارروائی عمل میں نہیں لائی گئی قبل ازیں معلوم ہواتھاکہ جہانزیب نامی شخص صرف ٹیکسیشن اوربعض پولیس افسران کی ملی بھگت سے یہ غیرقانونی کام جاری رکھے ہوئے ہے اوردونوں اعلی افسران اس معاملے سے یکسر لاعلم ہیں اورتوقع تھی کہ علم میں اتے ہی مذکورہ اعلی ذمہ داران اس کے خلاف فوری کارروائی کے احکامات جاری کریں گےلیکن دوروز گذرنے کے باوجود روزانہ بھاری رقوم گیٹ پاس کے نام پر وصول کرنے والوں کے خلاف کارروائی نہ ہونابہت سے سوالات کوجنم دے رہاہے عوام سے سرعام لوٹ مارکی یہ کارروائیاں فوری انسداد کی متقاضی ہیں
ملیر15مویشی منڈی میں گیٹ پاس کے نام پرغیرقانونی رقم کی وصولی دھڑلے سے جاری
