کراچی (بیورو رپورٹ) وفاقی وزیر انفارمیشن ٹیکنالوجی و ٹیلی کمیونیکیشن سید امین الحق سے امریکی نمائندہ خصوصی نے ون آن ون ملاقات کی جس میں آئی ٹی کے شعبے کے حوالے سے گفتگو کی گئی ۔وزیر آئی ٹی کی امریکی محکمہ خارجہ کے نمائندہ دلاور سید سے نیشنل انکوبیشن سینٹر کراچی میں ملاقات ہوئی۔نمائندہ خصوصی کے ہمراہ کراچی میں متعین امریکی قونصل جنرل مارک اسٹرو و دیگر عہدیداران موجود تھے ۔امریکی نمائندہ خصوصی کو این ای ڈی یونیورسٹی میں نیشنل انکوبیشن سینٹر کے مختلف شعبوں کا بھی دورہ کرایا گیا ۔سید امین الحق نے انفارمیشن ٹیکنالوجی اور ٹیلی کمیونیکیشن کے شعبے میں انقلابی اقدامات پر وفد کو بریفنگ دی ۔ وفاقی وزیر نے کہاکہ پاکستان اپنے ٹائم زون اور ماہرین کے حوالے سے انفارمیشن وکمیونیکیشن ٹیکنالوجی کا اہم مرکز ہے۔امین الحق نے کہاکہ امریکی نمائندہ خصوصی سے پاکستانی آئی سی ٹی ایکو سسٹم کے حوالے سے مفید گفتگو ہوئی۔ امریکی نمائنہ خصوصی نے کہاکہ امریکی کمپنیاں پاکستانی آئی ٹی ماہرین کی خدمات سے فائدہ اٹھا رہی ہیں، پاکستان کی نوجوان اور باصلاحیت آبادی امریکی سرمایہ کاروں کیلئے کشش رکھتی ہے۔ دلاور سید نے کہاکہ دونوں ممالک میں انفارمیشن وکمیونیکیشن ٹیکنالوجی شعبے میں بزنس کا حجم مزید بڑھایا جاسکتا۔
امین الحق سے امریکی نمائندہ خصوصی کی ملاقات ،آئی ٹی کے شعبے کے حوالے سے گفتگو پاکستان اپنے ٹائم زون اور ماہرین کے حوالے سے انفارمیشن وکمیونیکیشن ٹیکنالوجی کا اہم مرکز ہے، امین الحق
پچھلی پوسٹ
برطانیہ میں آئینی بحران سنگین، وزیراعظم بورس جانسن مستعفی پارٹی کا نیا لیڈر اور نیا وزیراعظم آنے تک ذمہ داری نبھاوں گا، بورس جانسن
اگلی پوسٹکراچی والوں کیلئے بھی بجلی9 روپے 52 پیسے فی یونٹ مہنگی نوٹیفکیشن کے مطابق اضافی وصولی جولائی اور اگست کے بجلی کے بلوں میں کی جائے گی، کے الیکٹرک نے 11روپے 34 پیسے فی یونٹ اضافے کی درخواست کی تھی
ہماری ویب سائٹ پر تازہ ترین خبریں حاصل کریں۔
