اسلام آباد۔(نمائندہ خصوصی ):پاکستان انٹرنیشنل ایئر لائن (پی ائی اے) کا اعزاز، پاکستان کا پہلا قومی سیاحتی ایوارڈ اپنے نام کرلیا۔پی آئی اے کے ترجمان کی طرف سے جاری اعلامیہ کے مطابق عالمی سیاحتی دن کے موقع پر منعقدہ تقریب میں قومی ایئر لائن نے پہلا سیاحتی ایوارڈ حاصل کیا ہے اور پی آئی اے کے چیف ایگزیکٹو آفیسر ائیر وائس مارشل عامر حیات نے ایوارڈ وصول کیا۔پی آئی اے کو یہ ایوارڈ ملکی سیاحت کے فروغ میں پی ائی اے کے کردار پر دیا گیا ہے،پی آئی اے واحد ملکی فضائی
سروس ہے جو ملک کے طول و عرض کو اندرون و بیرون ملک سے منسلک کرتی ہے، پاکستان کے خوبصورت ترین شمالی علاقہ جات کو دنیا میں متعارف کروانے کی ایک مہم بھی پی آئی اے نے چلائی۔ یہ ایوارڈ حاصل کرنا پی آئی اے کے لئے اعزاز کی بات ہے اور ہمارے قومی کردار کا اعتراف ہے ۔ترجمان پی آئی اے نے کہا کہ بحیثیت قومی ائیرلائن پی آئی اے اپنا کردار بخوبی نبھاتی رہے گی اور ملکی سیاحت کے فروغ میں اپنا کردار ادا کرتی رہے گی۔
پاکستان انٹرنیشنل ایئر لائن (پی آئی اے) کا اعزاز، پاکستان کا پہلا قومی سیاحتی ایوارڈ اپنے نام کرلیا
جواب دیں
ہماری ویب سائٹ پر تازہ ترین خبریں حاصل کریں۔
