لاہور( نمائندہ خصوصی) پنجاب اسمبلی میں خواتین کی 3 اور اقلیتوں کی 2 مخصوص نشستوں پر تحریک انصاف کے اراکین نے حلف اٹھا لیا۔ اسپیکر پنجاب اسمبلی چوہدری پرویز الہی نے پانچ مخصوص نشستوں پر اراکین سے حلف لیا۔خواتین کی تین مخصوص نشستوں پر بتول زین، سائرہ رضا اور فوزیہ عباس نے حلف اٹھایا۔ اقلیتوں کی دو مخصوص نشستوں پر حبکوک رفیق اور سیموئیل یعقوب نے حلف اٹھاےا،پنجاب اسمبلی میں پانچ مخصوص نشستوں پر حلف اٹھانے کے بعد پنجاب اسمبلی میں تحریک انصاف اور ان کے اتحادیوں کی تعداد 173 ہوگئی۔الیکشن کمیشن نے لاہور ہائیکورٹ کے فیصلے کے بعد گزشتہ روز پاکستان تحریک انصاف کی 5 مخصوص نشستوں کے نوٹیفکیشنز جاری کیے تھے۔ پنجاب اسمبلی میں حمزہ شہباز کو ووٹ دے کر اپنی پارٹی کی پالیسی سے انحراف کرنیوالے 25 پی ٹی آئی اراکین اسمبلی کو ڈی سیٹ کردیا گیا تھا۔ جس میں مخصوص نشستوں پر ایم پی اے بننے والے 5 اراکین بھی شامل تھے۔
پنجاب اسمبلی :5مخصوص نشستوں پر پی ٹی آئی اراکین نے حلف اٹھا لیا
ہماری ویب سائٹ پر تازہ ترین خبریں حاصل کریں۔
