کراچی( ہیلتھ رپورٹر ) شہر قائد میں ایک بار پھر چکن گونیا کے پھیلاؤ میں تیزی آگئی ، سرکاری اعداد و شمار کے مطابق 140 افراد میں چکن گنیا کی تصدیق ہوئی۔ جبکہ مریضوں کی اصل تعداد ہزاروں ہو گئی ہےتفصیلات کے مطابق شہر قائد میں ایک بار 
پھر چکن گونیا کے کیسز میں اضافہ ہوا، محکمہ صحت نے بتایا گزشتہ پانچ ماہ کے دوران کیسز بڑھے ہیں، مئی سے ستمبر کے دوران 140 افراد میں چکن گنیا کی تصدیق ہوئی۔جبکہ مریضوں کی اصل تعداد ہزاروں ہو گئی ہےمحکمہ صحت کا کہنا تھا کہ گزشتہ 
پانچ میں 211 کیسز مشتبہ رپورٹ ہوئے تھے، 189 کی اسکریننگ ہوئی جس میں سے 140 پوزیٹو نکلے۔محکمہ صحت نے بتایا کراچی مختلف اسپتالوں میں ہڈیوں میں درد،تیزبخار،جسم میں درد کی تکلیف کے ساتھ مریض رپورٹ ہورہے ہیں، ابتدائی 
علامات میں علاج کرایا جائے۔واضح رہے کہ قومی ادارہ برائے صحت نے چکن گونیا کی روک تھام کے حوالے سے ایڈوائزری جاری کی، کوآرڈینیٹر برائے صحت ڈاکٹر مختار برتھ کا کہنا تھا کہ چکن گونیا وائرل بیماری ہے اور یہ ’ایڈیس‘ نامی مچھر سے انسانوں میں منتقل ہوتی ہے۔
کراچی میں ایک بار پھر چکن گونیا کا تیزی سے پھیلاؤ
