سیکورٹی فورسز نے ضلع مہمند میں فرنٹیئر کور ہیڈ کوارٹر پر حملہ کرنے کی کوشش کرنے والے چار خودکش بمباروںکو جہنم واصل کردیا، آئی ایس پی آر

راولپنڈی۔(نمائندہ خصوصی )سیکورٹی فورسز نے ضلع مہمند میں فرنٹیئر کور ہیڈ کوارٹر پر حملہ کرنے کی کوشش کرنے والے چار خودکش بمباروںکو جہنم واصل کردیا ۔پاک فوج کے شعبہ تعلقات عامہ کے جاری بیان کے مطابق 6ستمبر 2024 کی علی الصبح، چار خوارج کے ایک گروپ نے ضلع مہمند میں فرنٹیئر کور ہیڈ کوارٹر پر حملہ کرنے کی کوشش کی۔کیمپ میں داخل ہونے کی کوشش کو سیکورٹی فورسز کے اہلکاروں نے مؤثر طریقے سے ناکام بنا دیا اور اس کے نتیجے میں چاروں خودکش بمبار خوارج کو مطلوبہ نقصان پہنچانے سے پہلے ہی جہنم میں بھیج دیا گیا۔ علاقے میں پائے جانے والے کسی بھی دوسرے خارجی کو ختم کرنے کے لئے صفائی آپریشن کیا جارہا ہے۔بیان میں کہاگیاکہ پاکستان کی سکیورٹی فورسز ملک سے دہشت گردی کی لعنت کا صفایا کرنے کے لئے جرات مندانہ عزم اور عزم کے ساتھ کھڑی ہیں۔