کراچی (رپورٹ : مرزاافتخار بیگ) آرٹس کونسل آف پاکستان کراچی یوتھ ایمبیسڈر پروگرام کے تحت یوم دفاع پاکستان کی 
مناسبت سے ”6ستمبر۔یوم دفاع پاکستان“ کے عنوان سے پروگرام کا انعقاد آڈیٹوریم IIمیں کیاگیا، پروگرام میں داستان گوئی ، تقاریر، اوپن مائیک کے علاوہ میوزک اور تھیٹر پر فارمنسز بھی شامل تھیں جبکہ فیس پینٹنگ کے اسٹال پر لوگوں کا رش قابل دید 
تھا، میوزیکل پروگرام میں معروف گلوکار محمد زبیر، سلطان بلوچ، وریشا، کاظم علی اور جیمبروز بینڈ نے شاندار پرفارمنس کا مظاہرہ کیا، یوم دفاع پاکستان کے حوالے سے ملی نغمے بھی پیش کیے گئے جبکہ ڈانس اکیڈمی کے عبدالغنی، روہیت، شہزور، جیری اور ارباز سمیت اکیڈمی کے طلباءنے ثقافتی رقص پیش کیا جس کو بے انتہا پسند کیاگیا۔
