کراچی۔(نمائندہ خصوصی ):یوم دفاع کے موقع پر کراچی میں بانی پاکستان کےمزارپر گارڈز کی تبدیلی کی پروقار تقریب منعقد ہوئ،پاکستان ائیرفورس اکیڈمی اصغرخان کے چاق وچوبند دستہ نے مزارقائد پرگارڈزکے فرائض سنبھال لیے۔ ائیرآفیسر 
کمانڈنگ،ائیر وائس مارشل شہریارخان تقریب کے مہمان خصوصی تھے۔جاری اعلامیہ کے مطابق ائیروائس مارشل شہریارخان نے پریڈ کا معائنہ کیا اور بابائے قوم کے مزارپرپھولوں کی چادرچڑھائی اور دعا کی ۔مزارقائد پرپاک فضائیہ کے 74کیڈٹس پیشہ ورانہ ذمہ داریوں کے لیے تعینات ہوں گے،جس میں 61مرد اور13خواتین کیڈٹس شامل ہیں۔
