گورنرسندھ کی ارشد ندیم کے ہمراہ جاوید نہاری ریسٹورنٹ آمد

کراچی۔ (نمائندہ خصوصی ):گورنر سندھ کامران خان ٹیسوری اولمپکس گولڈ میڈلسٹ ارشد ندیم کے ہمراہ کراچی کے علاقہ دستگیر میں معروف جاوید نہاری ریسٹورنٹ گئے ۔جاری اعلامیہ کے مطابق لوگوں نے گورنر سندھ اور گولڈ میڈلسٹ ارشد ندیم کے ہمراہ سیلفیاں بھی بنوائیں۔گولڈ میڈلسٹ ارشد ندیم نے نہاری کھا کر اس کی تعریف کی۔ بعد ازاں گورنر سندھ کامران خان ٹیسوری اولمپکس گولڈ میڈلسٹ ارشد ندیم کے ہمراہ برنس روڈپر واقع معروف پنجاب لسی ہائوس پہنچے۔ ارشد ندیم نے کہا کہ لسی کا ذائقہ بھی لاجواب ہے۔ ارشد ندیم نے کہا کہ کراچی کے لوگ بہت محبت اور پیار کرنے والے ہیں