لاہور(نمائندہ خصوصی )پنجاب اور اسلام آباد کے صارفین کو 14 روپے فی یونٹ ریلیف دینے کیلئے پنجاب حکومت کی طرف سے بجلی کمپنیوں کو باضابطہ خطوط بجھوا دئیے گئے ہیں۔ وزیر اعلیٰ پنجاب مریم نواز شریف کی ہدایت پر 5 بجلی کمپنیوں کو خطوط بھجوائے گئے ہیں۔ سیکرٹری توانائی پنجاب ڈاکٹر نعیم روف نے اسلام آباد، لاہور، گوجرانوالہ، فیصل آباد اور ملتان کی 
ڈسکوز کو خطوط بھجوائے۔ پنجاب حکومت کی طرف سے لکھے گئے خط میں 14 روپے فی یونٹ کمی کے حکومتی پیکیج کی رقم سے آگاہ کرنے کا کہا گیا ہے۔آئیسکو، میپکو،گیپکو، فیسکو، لیسکو 201 سے 500 یونٹ استعمال کرنے والے شہریوں کے بجلی بلوں میں کمی کریں گی۔ بجلی کی اصل لاگت اور ریلیف کے درمیان رقم پنجاب حکومت ادا کرے گی۔ بجلی کمپنیوں کی جانب سے تقاضے پر پنجاب حکومت مطلوبہ رقم ڈسکوز کو منتقل کر دے گی۔ پاکستان مسلم لیگ (ن) کے صدر محمد نواز شریف نے وزیراعلی پنجاب کے ہمراہ 16 اگست کو 14 روپے فی یونٹ بجلی میں کمی کا اعلان کیا تھا۔ پنجاب اور اسلام آباد کے عوام کو ریلیف دینے کے لیے پنجاب حکومت 45 ارب روپے اپنے وسائل سے فراہم کرے گی۔ ریلیف پیکیج کے تحت اگست اور ستمبر کے دو ماہ میں 201 سے 500 یونٹ استعمال کرنے والوں کیلئے بجلی کی قیمت کم کی گئی ہے۔
وزیر اعلی ٰکی ہدایت پر پنجاب اور اسلام آباد کے صارفین کو14 روپے فی یونٹ ریلیف کیلئے بجلی کمپنیوں کو باضابطہ خطوط بجھوادیئے گئے
پچھلی پوسٹ
بجلی چوری کی روک تھام ، لائن لاسز میں کمی اور بجلی کی ترسیل کے نظام کو بہتر بنانا، شعبہ کی اصلاحات حکومت کی اولین ترجیحات میں شامل ،وزیراعظم محمد شہباز شریف
اگلی پوسٹپاکستان موسمیاتی تبدیلیو ں سے سب سے زیادہ متاثرہ ممالک میں سے ایک ہے، عوام مون سون شجرکاری مہم میں بڑھ چڑھ کر حصہ لیں، صدر آصف علی زرداری
جواب دیں
ہماری ویب سائٹ پر تازہ ترین خبریں حاصل کریں۔
