لاہور میاں چنوں( مانیٹرنگ ڈیسک )پیرس اولمپکس کے جیولین تھرو ایونٹ میں اہم کامیابی حاصل کرکے ملک کا نام روشن کرنے والے ارشد ندیم کی والدہ نے کہا ہے کہ میں نے اپنے بیٹے کی کامیابی کے لیے بہت دعائیں کی، خوشی ہے کہ بیٹے نے ملک کا نام روشن کیاارشد ندیم کی کامیابی پر ان کے گھر کے باہر جشن کا سما ں تھا، اس موقع پر ارشد ندیم کی والدہ کا کہنا تھا کہ بیٹے کے استقبال کے لیے پھول لے کر جاؤں گی ارشد ندیم کی والدہ نے کہا کہ پوری قوم نے بھی میرے بیٹے کی کامیابی کے لیے دعا کی، 
اللہ کا بہت شکر ہے کہ بیٹے نے کامیابی حاصل کرکے ملک کا نام روشن کیا ارشد ندیم کی بہن کا اس موقع پر کہنا تھا کہ اللہ تعالیٰ نے میرے بھائی کی میڈل جیتنے کی دلی خواہش کو پورا کردیا جتنا شکر ادا کریں کم ہے ارشد ندیم کے بھائی نے کہا کہ کم وسائل کے باوجود ارشد ندیم نے ریکارڈ تھرو کی، حکومت سے بھی اپیل ہے کہ ارشد ندیم سے کیا وعدہ پورا کرے۔ارشد ندیم کے بھائی کا کہنا تھا کہ حکومت گاؤں میں گراؤنڈ کی تعمیر کا وعدہ پورا کرے انہوں نے بھارتی جیولن تھرور نیرج چوپڑا کو بھی 
مبارکباد پیش کی واضح رہے کہ پاکستانی ایتھلیٹ ارشد ندیم پاکستان کی تاریخ میں پہلی بار انفرادی گولڈ میڈل جیتنے والے ایتھلیٹ بن گئے اور قوم کا سر فخر سے بلند کردیا 40 سال کے طویل انتظار کے بعد پاکستان اولمپکس میں گولڈمیڈل جیتے میں کامیاب ہوا ارشد نے پاکستانی قوم کا سرفخر سے بلند کرتے ہوئے جیولین تھرو میں اولمپکس کی 118 سالہ تاریخ کا ریکارڈ بھی توڑ دیا
ارشد ندیم کی کامیابی پر ان کے گھر کے باہر جشن خوشی ہے کہ بیٹے نے ملک کا نام روشن کیا بیٹے کے استقبال کے لیے پھول لے کر جاؤں گی، والدہ ارشد ندیم
