اسلام آباد۔(نمائندہ خصوصی ):سیکرٹری خارجہ محمد سائرس سجاد قاضی نے پانچویں ’’یوم استحصال‘‘ کے سلسلے میں اسلام آباد میں مقیم سفارت کاروں کو بھارت کے غیر قانونی طور پر زیر قبضہ جموں و کشمیر کی صورتحال سے آگاہ کیا۔دفتر خارجہ کی جانب سے جمعہ کو جاری بیان کے مطابق انہوں نے بین الاقوامی قانون، انسانی حقوق اور امن و سلامتی کے نقطہ نظر سے 5 اگست 2019 کے بھارت کے غیر قانونی اقدامات کے سنگین نتائج کے بارے میں سفارتکاروں کو بریفنگ دی۔
