اسلام آباد۔(نمائندہ خصوصی ):وزیراعظم محمد شہبازشریف نے خیبر پختونخوا میں تین مختلف مقامات پر سکیورٹی فورسز کی جانب سے دہشت گردوں کے خلاف کامیاب آپریشن پر افسران و اہلکاروں کو سراہتے ہوئے کہا ہے کہ سکیورٹی فورسز کے مشترکہ آپریشن نے یہ ثابت کیا کہ دہشت گرد وطن کے دفاع کیلئے پر عزم افسران و جوانوں سے بچ نہیں سکتے۔پیر کو وزیراعظم آفس کے میڈیا ونگ سے جاری بیان کے مطابق وزیراعظم محمد شہباز شریف نے کہا کہ خیبر پختونخوا میں سکیورٹی فورسز نے مہمند، ڈیرہ 
اسماعیل خان اور شمالی وزیرِ ستان میں بہادری سے لڑتے ہوئے 5 خارجی دہشت گردوں کو جہنم واصل کیا، سکیورٹی فورسز کے مشترکہ آپریشن نے یہ ثابت کیا کہ دہشت گرد وطن کے دفاع کیلئے پر عزم افسران و جوانوں سے بچ نہیں سکتے،دہشت گردی کی عفریت کے ملک سے مکمل طور پر خاتمے تک پاکستانی قوم اپنی سکیورٹی فورسز کے شانہ بشانہ کھڑی ہے۔انہوں نے کہا کہ مجھ سمیت پوری قوم سکیورٹی فورسز کے دفاعِ وطن کیلئے غیر متزلزل عزم پر انہیں خراجِ تحسین پیش کرتی ہے ۔وزیراعظم نےمہمند میں فتنہ الخوارج کے دہشت گردوں سے لڑتے ہوئے صوابی سے تعلق رکھنے والے پولیس کانسٹیبل ابرار حسین کی شہادت پر انہیں خراج عقیدت پیش کیااورشہید کی بلندیِ درجات اور ان کے اہلِخانہ کیلئے صبر جمیل کی دعاکی۔
وزیراعظم محمد شہبازشریف کا خیبر پختونخوا میں سکیورٹی فورسز کی جانب سے دہشت گردوں کے خلاف کامیاب آپریشن پر افسران و اہلکاروں کو خراج تحسین
– –
جواب دیں
ہماری ویب سائٹ پر تازہ ترین خبریں حاصل کریں۔
