نئی دلی(مانیٹرنگ ڈیسک ) :بھارت میں مودی کی فسطائی حکومت اپنے خلاف اٹھنے والی ہرآوازکو دبا رہی ہے ۔ایک تازہ واقعے میں بھارت کے مشہور یوٹیوبر دھرو راٹھی کے خلاف بی جے پی کی جانب سے مقدمہ درج کیا گیا ہے۔کشمیرمیڈیاسروس کے مطابق یوٹیوبر نے انتخابات کے دوران مودی کے اصل چہرے کو بے نقاب کیا تھا۔ بی جے پی کے ترجمان سریش کرمشی نکھوا نے 
دھرو راٹھی کیخلاف بی جے پی مخالف ویڈیوز اپ لوڈ کرنے پرہتک عزت کا مقدمہ دائرکیاہے۔یوٹیوبر پر الزام لگایاگیا ہے کہ اس نے الیکشن کے دوران میڈیا پر غیر مناسب الفاظ میں بی جے پی کوتنقید کانشانہ بنایا۔بھارتی صحافیوں نے یوٹیوبر کے خلاف مقدمے کے اندارج پرشدید ردعمل ظاہر کرتے ہو ئے کہا ہے کہ مودی سرکار حق اور سچ کی آواز کو دبانا چاہتی ہے۔بھارتی میڈیا کے مطابق مودی سرکار ملکی اور غیرملکی صحافیوں پر دبائو ڈالنے کیلئے ہر ناجائز ہتھکنڈے استعمال کر رہی ہے۔میڈیا نے سوال اٹھایا ہے کہ کیا یوٹیوبر دھرو راٹھی اور دیگر کیخلاف انتقامی کارروائیوں سے مودی سرکار اپنے ناجائز اقدامات کوتحفظ دے سکتی ہے؟
مودی حکومت کا اصل چہرہ بے نقاب کرنے پر یوٹیوبر دھرو راٹھی کے خلاف مقدمہ درج
جواب دیں
ہماری ویب سائٹ پر تازہ ترین خبریں حاصل کریں۔
