9 مئی کرنیوالے، سہولتکار اور منصوبہ سازوں کو ڈھیل دیں گے تو ملک میں یہ فسطائیت پھیلے گی۔ ڈی جی آئی ایس پی آر لیفٹیننٹ جنرل احمد شریف چوہدری

راولپنڈی( نمائندہ خصوصی ) ڈی جی آئی ایس پی آر لیفٹیننٹ جنرل احمد شریف چوہدری نے کہا ہےکہ 9 مئی کرنیوالے، سہولتکار اور منصوبہ سازوں کو ڈھیل دیں گے تو ملک میں یہ فسطائیت پھیلے گی۔جی ایچ کیو میں پریس کانفرنس کرتے ہوئے لیفٹیننٹ جنرل احمد شریف چوہدری نے کہا کہ 9 مئی  کے بعد انتشاری ٹولے نے پروپیگنڈا کیا کہ فوج نے روکا کیوں نہیں ،گولی مار دیتے، گولی نہیں ماری اس لیے یہ سب ہوا، یہ بیانیہ چلایا گیا۔انہوں نے کہا کہ اگر کوئی انتشاری ٹولہ آتا ہے تو اس کو پہلے وارننگ دی جاتی ہے پھر ہوائی فائرنگ کی جاتی ہے، اگر وہ انتشاری ٹولہ نہ رکے تو پھر اس کے ساتھ جو کرنا ہو وہ کیا جاتا ہے ۔ڈی جی آئی ایس پی آر کا کہنا تھا کہ 9 مئی کرنیوالے، سہولتکار ، منصوبہ سازوں کو ڈھیل دیں گے تو ملک میں یہ فسطائیت پھیلے گی‏افغانستان کے پاکستان کے علاوہ چھے ملکوں سے بارڈرز لگتے ہیں جن میں پاسپورٹ پر ویزہ لیکر جاتے ہیں تو پھر پاکستان میں آنے کیلئے ایسا کیوں نہیں، کیوں یہاں پر صرف کارڈ دکھا کر آجائیں۔ زیادہ تر منشیات اور غیر قانونی چیزیں افغانستان سے آتی ہیں۔