دلہن بنی بہن کے قدموں تلے ہاتھ بچھانے والے بھائیوں کی ویڈیو نے انٹرنیٹ صارفین کو بھی جذباتی کردیا۔
بہن کی شادی کے موقع پر بھائیوں کے احسن اقدام نے سب کے دل جیت لیے، بہن لباس عروسی زیب تن کرکے شادی ہال پہنچی تو بھائیوں نے بہن کے قدموں تلے اپنے ہاتھ بچا دئیے، ویڈیو سوشل میڈیا پر وائرل ہوگئیں۔
بہن کی شادی میں بھائی اکثر ڈولی یا پھر انٹری کے موقع پر پھولوں کی چادر اٹھاتے ہیں لیکن ویڈیو میں نظر آنے والے بھائیوں نے اپنی بہن کی انٹری کےلیے ایسا انداز اپنایا کے ہر کوئی تعریف کرنے پر مجبور ہوگیا۔
ویڈیو میں دیکھا جاسکتا ہے کہ دلہن کی انٹری کے موقع پر راستے پر پھول بچھاے گئے ہیں جبکہ بھائی اپنے گھٹنوں پر بیٹھے ہوئے اپنی بہن کے قدموں کے نیچے اپنی ہتھیلیاں رکھ رہے ہیں جس پر چلتے ہوئے دلہن تقریب میں داخل ہورہی ہے۔
بھائیوں کی جانب سے دی گئی اس محبت پر سوشل میڈیا صارفین عروسی لباس پہنی بہن کو دنیا کی خوش قسمت ترین بہن قرار دے رہے ہیں۔
