اسلام آباد۔(اسپورٹس ڈیسک ):پاکستان کے وکٹ کیپر بلے باز محمد حارث کو ڈارون میں ہونے والے محدود اوورز کے میچوں کے لئے پاکستان شاہینز کا کپتان مقرر کیا گیا ہے۔ پاکستان شاہینز 4 سے 18 اگست تک ہونے والے اس دورے میں پچاس اوورز کے دو میچوں کے علاوہ نو ٹیموں کی ٹاپ اینڈ نامی ٹی ٹوئنٹی سیریز میں بھی حصہ لے گی۔محمد حارث نے آخری مرتبہ کولمبو میں منعقدہ اے سی سی مینز ایمرجنگ ایشیا کپ 2023 ء میں پاکستان شاہینز کی کپتانی کی تھی جس کے فائنل میں پاکستان شاہینز نے بھارت کو 128 رنز سے شکست دے کر ٹائٹل کا کامیابی سے دفاع کیا تھا۔پاکستان شاہینز 9 اگست سے شروع ہونے والی ٹی ٹوئنٹی سیریز میں بھی حصہ لے گی جس میں شریک دیگر ٹیمیں اے سی ٹی کومیٹس، بنگلہ دیش اے ، میلبورن رینیگیڈز، میلبرن سٹارز ، پرتھ سکارچرز ،
ناردرن ٹیریٹری سٹرائیک ، ایڈیلیڈ سٹرائیکرز اور تسمانیہ ہیں۔پاکستان شاہینز مسلسل دوسرے سال ڈارون میں ٹی ٹوئنٹی سیریز میں شرکت کرے گی۔ پچھلے سال اسے فائنل میں این ٹی سٹرائیک نے 46 رنز سے ہرایا تھا جبکہ پاکستان شاہینز نے ون ڈے میچز میں پاپوا نیوگنی کو224 رنز سے اور ناردن سٹرائیک کو 84 رنز سے ہرایا تھا۔وائٹ بال کے میچز کے لیے ریڈ بال سائیڈ میں سات تبدیلیاں کی گئی ہیں۔ عبد الفصیح ، عرفات منہاس، عارف یعقوب، جہانداد خان ، محمد حارث، محمد عمران جونیئر اور عثمان خان کو ٹیم میں کامران غلام ، خرم شہزاد ، مہران ممتاز، محمد علی، مبصرخان ، طیب طاہر اور عمر امین کی جگہ شامل کیا گیا ہے۔سکواڈ ان کھلاڑیوں پر مشتمل ہے۔ محمد حارث ( کپتان ) عبدالفصیح ، عرفات منہاس، عارف یعقوب، فیصل اکرم،حسیب اللہ ( وکٹ کیپر ) ، محمد عرفان خان، جہانداد خان، کاشف علی، محمد حریرہ ، محمد عمران جونیئر، عمیربن یوسف، صاحبزادہ فرحان، شاہنواز دھانی اور عثمان خان شامل ہیں۔ پلیئر سپورٹ سٹاف میں عبدالرحمن ( ہیڈ کوچ ) ، محمد مسرور ( اسسٹنٹ کوچ / منیجر) ، محمد اسد (فزیو تھراپسٹ)، عمران اللہ (ٹرینر) اور عثمان ہاشمی (انالسٹ ) شامل ہیں ۔وائٹ بال میچوں کا شیڈول بھی جاری کیا گیا ہے جس کے مطابق 4 اگست سے 50 اوورز کا میچ بمقابلہ ناردرن ٹیریٹری ( این ٹی ) ،6 اگست کو 50 اوورز کا میچ بمقابلہ بنگلہ دیش اے ،10 اگست کو پرتھ سکارچرز کے خلاف ( ٹاپ اینڈ ٹی ٹوئنٹی سیریز )،11 اگست کو میلبرن سٹارز کے خلاف ( ٹاپ اینڈ ٹی ٹوئنٹی سیریز ) ،13 اگست کو تسمانیہ ( ٹاپ اینڈ ٹی ٹوئنٹی سیریز ) ،15اگست کو میلبرن رینیگیڈز ( ٹاپ اینڈ ٹی ٹوئنٹی سیریز )، 16اگست کو بنگلہ دیش اے ( ٹاپ اینڈ ٹی ٹوئنٹی سیریز ) اور 17اگست کو اے سی ٹی کومیٹس ( ٹاپ اینڈ ٹی ٹوئنٹی سیریز ) کے خلاف ہوگا۔
وکٹ کیپر بلے باز محمد حارث پاکستان شاہینز وائٹ بال ٹیم کے کپتان مقرر
جواب دیں
ہماری ویب سائٹ پر تازہ ترین خبریں حاصل کریں۔
