آذربائیجان کے صدر کا پرتپاک استقبال، پاکستان کی فضائی حدود میں داخل ہوتے ہی پاک فضائیہ کے طیاروں نے حفاظتی حصار میں لے لیا

اسلام آباد۔: (نمائندہ خصوصی ):آذربائیجان کے صدر الہام علیوف کا دورہ پاکستان کے موقع پر اسلام آباد آمد پر شاندار اور پرتپاک استقبال کیاگیا۔وزیراعظم آفس کے میڈیا ونگ سے جاری بیان کے مطابق پاکستان کی فضائی حدود میں داخل ہوتے ہی آذربائیجان کے صدر کے طیارے کو پاک فضائیہ کے لڑاکا طیاروں نے حفاظتی حصار میں لے لیا۔آذربائیجان کے صدر کے طیارے کو پاک فضائیہ کے لڑاکا طیارے اسلام آباد تک حفاظتی حصار میں لے کر آئے۔ وزیراعظم محمد شہباز شریف کی دعوت پر آذربائیجان کے صدر پاکستان کے دو روزہ دورے پر ہیں۔