اسلام آباد: (نمائندہ خصوصی ):صدر مملکت آصف علی زرداری نے کیپٹن اسامہ بن ارشد کی جنوبی وزیرستان میں شہادت پر گہرے دکھ اور غم کا اظہار کرتے ہوئے کہا ہے کہ ہم اپنے جوانوں کو سلام پیش کرتے ہیں جو وطن کے دفاع کے لئے ہر طرح کی 
قربانی دینے کے لئے تیار رہتے ہیں۔منگل کو ایوان صدر کے پریس وِنگ سے جاری بیان کے مطابق صدر مملکت نے کہا کہ قوم کیپٹن اسامہ کی قربانی کو ہمیشہ یاد رکھے گی۔ انہوں نے کہا کہ دہشت گردوں سے آہنی ہاتھوں سے نمٹا جائے گا۔صدر مملکت نے شہید کیپٹن اسامہ کے لئے دعا ئے مغفرت اور ورثاء کے لئے صبر جمیل کی دعا کی۔
