اسلام آباد: (نمائندہ خصوصی ):وفاقی وزیرداخلہ محسن نقوی نے شمالی وزیرستان میں دہشتگردوں کا بہادری سے مقابلہ کرتے ہوئےشہید ہونے والے کیپٹن محمد اسامہ بن ارشد کی قربانی کو خراج عقیدت پیش کرتے ہوئے کہا ہے کہ شہید کیپٹن محمد اسامہ جیسے بہادر بیٹے پاکستان کا فخر ہیں۔منگل کو اپنے ایک بیان میں وفاقی وزیر داخلہ نے کہا کہ شہید کیپٹن محمد اسامہ نے 
بہادری سے لڑتے ہوئے اپنی جان وطن پر نچھاور کی، شہید کیپٹن محمد اسامہ نے جان دے کر دہشتگردوں کو جہنم واصل کیا اور ان کے مذموم عزائم کو ناکام بنایا۔محسن نقوی نے کہا کہ شہید کیپٹن محمد اسامہ جیسے بہادر بیٹے پاکستان کا فخر ہیں، قوم اپنے بہادر سپوت کیپٹن محمد اسامہ کی عظیم قربانی کو ہمیشہ یاد رکھے گی، سکیورٹی فورسز کے افسران اور جوانوں نے اپنے قیمتی لہو سے امن کی آبیاری کی ہے۔ وفاقی وزیرداخلہ محسن نقوی نے شہید کیپٹن محمد اسامہ کے اہل خانہ سے دلی ہمدردی و تعزیت کا اظہار بھی کیا۔
