یہ لوگ بار بار عمران خان کی اہلیہ کو لنک کر رہے ہیں، ہمارے مخالفین کے پاس توشہ خانہ کے سوا عمران خان کے خلاف کوئی چیز نہیں، فرخ حبیب سابق وزیر مملکت

اسلام آباد (نمائندہ خصوصی) پاکستان تحریک انصاف کے مرکزی رہنما اور سابق وفاقی وزیر فرخ حبیب نے کہا ہے کہ یہ لوگ بار بار عمران خان کی اہلیہ بشریٰ بی بی کو لنک کر رہے ہیں۔ایک بیان میں فرخ حبیب نے کہا کہ موجودہ حکمران ہماری کرپشن نکالیں تاہم یہ تو بس پریس کانفرنس کرتے ہیں۔انہوں نے کہا کہ ہمارے مخالفین کے پاس توشہ خانہ کے سوا عمران خان کے خلاف کوئی چیز نہیں۔پی ٹی آئی رہنما نے کہا کہ مخالفین کو معلوم ہونا چاہیے کہ عمران خان کا دستخط شدہ بیٹ ہی کروڑوں روپے میں بکتا ہے
۔انہوںنے کہاکہ عمران خان نے سپریم کورٹ میں اپنی 40 سالہ کمائی کا حساب دیا ہے۔