کرا چی( نمائندہ خصوصی) ورلڈ فوڈ پروگرام کے ایک وفد نے ڈپٹی کنٹری ڈائریکٹر ڈبلیو ایف پی، پاکستان راتھی پال کرشنن کی قیادت میں سندھ کے وزیر خوراک مکیش کمار چاﺅلہ سے ان کے دفتر میں ملاقات کی۔ اس موقع پر وزیراعلی سندھ کے معاون خصوصی برائے سرمایہ کاری محکمہ اور پبلک پرائیویٹ پارٹنرشپ پروجیکٹس سید قاسم نوید قمر بھی موجود تھے۔
اجلاس میں پاکستان اور سندھ میں فوڈ سیکیورٹی اور غذائیت کے تازہ ترین اعدادوشمار پر تبادلہ خیال کیا گیا۔فوڈ سسٹم کانفرنس 2021 کے دوران حکومت کے منصوبوں اور ورلڈ فوڈ پروگرام کی حکمت عملی سے متعلق بھی بات چیت کی گئی۔ وفد نے سندھ میں فوڈ سیکیورٹی اینڈ نیوٹریشن پر ورلڈ فوڈ پروگرام کے تعاون پر محکمہ خوراک سندھ کا شکریہ ادا کیا۔
