اسلام آباد(نمائندہ خصوصی ) :آزاد جموں وکشمیر کے صدر بیرسٹر سلطان محمود چودھری نے عالمی برادری پر زور دیا ہے کہ مقبوضہ جموں وکشمیر میں بڑے پیمانے پر جاری انسانی حقوق کی خلاف ورزیوں پر بھارت کا محاسبہ کیا جائے۔کشمیرمیڈیاسروس کے مطابق بیرسٹر سلطان محمود چودھری نے ایک نجی نیوز چینل سے گفتگو کرتے ہوئے تمام اسلامی ملکوں 
کے درمیان اتحاد قائم کرنے پر زور دیا تاکہ بھارت کے غیر قانونی زیر قبضہ جموں وکشمیر کے مظلوم عوام کی مشکلات دور کی جاسکیں۔انہوں نے کہا کہ بھارتی جارحیت سے مقبوضہ علاقے کی معیشت اور ثقافت تباہ ہوچکی ہے۔آزاد جموں وکشمیر کے صدر نے کہا کہ پاکستان کشمیر کیلئے اپنی سیاسی، سفارتی اور اخلاقی حمایت جاری رکھے ہوئے ہے اور کشمیری عوام بھی پاکستانی قوم کا بے حد احترام کرتے ہیں۔
عالمی برادری مقبوضہ کشمیرمیں انسانی حقوق کی پامالیوں پر بھارت کا محاسبہ کرے ، بیرسٹر سلطان چوہدری
