پی ٹی آئی بانی چیئرمین نے مجھ پر ہمیشہ اعتماد کیا، اس پر پورا اترنے کی ہرممکن کوشش کرتی ہوں، زرتاج گل

اسلام آباد۔ (نمائندہ خصوصی ):پی ٹی آئی کی راہنما ،ایم این اے زرتاج گل نے کہا ہے کہ سٹوڈنٹ لیڈر سے پارلیمنٹ تک کا سفر بہت اچھا رہا، عمران خان نے گزشتہ حکومت سے لیکر اب تک مجھ پر اعتماد کیا، میری اولین ترجیح ہے کہ انکے اعتماد پر پورا اترو۔ہفتہ کو پارلیمنٹ ہائوس میں اے پی پی سے گفتگو کرتے ہوئے ایم این اے زرتاج گل کا کہنا تھا کہ میں پی ٹی آئی کے بانی چیئرمین کی برینڈ ہوں۔ پی ٹی آئی حکومت میں بانی چیئرمین نے مجھ پر اعتماد کرتے ہوئے وزارت موسمیاتی تبدیلی کا قلمدان دیا تو میں نے ان کی راہنمائی سے بلین ٹری منصوبہ اور دیگر گرین پاکستان انیشیٹو شروع کیے،23 نیشنل پارکس کو اپ گریڈ کیا،ہمارے ان منصوبوں کو عالمی سطح پر پذیرائی ملی تھی۔ انہوں نے کہا کہ بانی چیئرمین آئندہ بھی مجھے جو ذمہ داری دیں گے اس پر پورا اترنے کے لئے اپنی تمام تر صلاحیتیں بروئے کار لائوں گی۔