مکہ المکرمہ۔(نمائندہ خصوصی )وزارت صحت کا 937 کال سینٹر حج سیزن 1445 ہجری کے دوران عازمین کو چوبیس گھنٹے مدد فراہم کرتا رہا۔ مرکز لوگوں کے سوالات وصول کرتا رہا، صحت سے متعلق مشورے دیتا رہا، اور سات مختلف زبانوں میں فوری رپورٹس ہینڈل کرتا رہا۔ یہ مرکز مقدس مقامات پر لاپتہ یا ہسپتال میں داخل حجاج کو تلاش کرنے میں بھی مدد کرتا رہا اور یہ سلسلہ تا حال جاری ہے۔ حج سیزن کے آغاز کے بعد سے، مرکز کو 47,000 سے زائد کالیں موصول ہوئی ہیں، جو عازمین کو مختلف
خدمات کی فراہمی سے متعلق تھیںجن میں پوچھ گچھ کا جواب دینا، صحت سے متعلق مشورے پیش کرنا اور فوری رپورٹس کا ازالہ کرنا شامل ہے۔ مزید برآں، مرکز حقیقی وقت کی نگرانی اور درخواستوں اور رپورٹوں کی پیروی، فوری ترجمہ کی خدمات، اور فیصلہ سازی کی سہولت کے لیے وقتاً فوقتاً تجزیاتی رپورٹیں تیار کرتا ہے۔ حجاج متعدد چینلز کے ذریعے مرکز تک پہنچ سکتے ہیں، بشمول 937 پر ٹیلی فون کالز، ایکس پلیٹ فارم، ای میل اور واٹس ایپ۔ انتظامی عملے، ماہرین اور کنسلٹنٹس کی ایک ٹیم چوبیس گھنٹے کام کرتی ہے تاکہ حجاج کو بہترین ممکنہ خدمات فراہم کی جاسکیں۔
وزارت صحت کا 937 کال سینٹر حج سیزن کے دوران عازمین کو چوبیس گھنٹے مدد فراہم کرتا رہا
جواب دیں
ہماری ویب سائٹ پر تازہ ترین خبریں حاصل کریں۔
