لاہور۔(نمائندہ خصوصی )پاکستان مسلم لیگ (ن) کے صدر محمد نواز شریف نے نماز عید الاضحیٰ جاتی امرامیں ادا کی۔ اس موقع پر حسین نواز ، حسن نواز اور دیگر عزیز واقارب نے بھی قائد محمد نواز شریف کے ہمراہ جاتی امرامیں نماز عید ادا کی ۔نماز عید کے بعد عوام کی خوشحالی و ملک وقوم کی ترقی وسلامتی اور فلسطین اور کشمیر کے مظلوم مسلمانوں کے لیے بھی خصوصی دعائیں کی گئیں۔ قائد مسلم لیگ ن محمد نواز شریف عزیزو اقارب اور کارکنوں سے عید ملے اور انہیں عید کی مبارکباد دی۔
