مکہ مکرمہ (نمائندہ خصوصی )سعودی عرب کے ریلوے حکام نے حج سیزن کے دوران عازمین کی سہولت کے لیے مشعر میٹرو ٹرین کی سروسز کا آغاز کر دیا ہے۔ حجاج کرام کو مختلف سٹیشن سے لانے اور لے جانے کی تیاریاں کئی ماہ سے جاری تھیں ۔حج 2024 کے دوران سفر کو محفوظ تر ین بنانے اور حجاج کی معاونت یقینی بنانے کی کوششیں تاحال جاری ہیں ۔دیکھ بھال اور جانچ کے آپریشنز کے بعد ٹرین اور اس کے اسٹیشن مکمل طور پر تیار ہیں، ریلوے حکام اعلیٰ ترین حفاظتی معیارات اور معیار کے
تقاضوں پر عمل پیرا ہیں۔ان کوششوں کا مقصد مقدس مقامات میں واقع نو اسٹیشنوں پر ٹرین کے بغیر کسی رکاوٹ کے آپریشن کو یقینی بنانا ہے۔ یہ اسٹیشن عرفات، مزدلفہ اور منیٰ کے حساب سے تقسیم کیے گئے ہیں، ان میں سے ہر ایک کے لیے تین اسٹیشن مختص کیے گئے ہیں۔ آخری اسٹیشن جمرات پل کے چوتھے حصے تک پھیلا ہوا ہے۔ٹرین سروس کا افتتاح 2010 میں کیا گیا تھا، 17 ٹرینوں میں سے ہر ٹرین میں 3,000 مسافر سفر کرسکتے ہیں ، فی گھنٹہ 72,000 مسافروں کو لے جانے کی گنجائش ہے۔
