چارسدہ۔(نمائندہ خصوصی ):وفاقی وزیر داخلہ محسن نقوی نے شہداء پیکج کو 30 لاکھ روپے سے ایک کروڑ روپے تک بڑھانے کا اعلان کرتے ہوئے کہا ہے کہ ایف سی کے جوان سکیورٹی، امن وامان اور ہر قسم کی ڈیوٹی کے لئے ہمہ وقت تیار رہتے ہیں، ایف سی نے مشکل وقت میں ہر شعبے کو تعاون فراہم کی ہے ۔ وہ منگل کو ایف سی ٹریننگ سنٹر شب قدر میں تاریخ میں پہلی بار شہدائے وطن کو خراج عقیدت پیش کرنے کے لیے شہداء پریڈ سے خطاب کر رہے تھے ۔وزیر داخلہ محسن نقوی نے کہا کہ جان کے
بدلے ایک کروڑ کا معاوضہ نعم البدل نہیں ۔ یہ تاریخ کی پہلی شہداء پریڈ ہے، جس میں آئی جی سے لیکر جوان تک شہداء کو خراج عقیدت پیش کرتے ہیں،آپ نہ پٹھان، نہ پنجابی نہ بلوچی، نہ سندھی بلکہ آپ سب پاکستانی ہیں۔ انہوں نے کہا کہ آپ سب نے پاکستانی ہوکر سوچنا ہے، پاکستانی ہو کر سوچیں گے تو جیت آپ کی ہو گی۔آپ جوانوں نے صرف اور صرف پاکستان کے مشن کو سامنے رکھ کر چلنا ہے، پاکستانی ہونے کے ناطے آپ کسی بھی چیلنج کا مقابلہ کرسکتے ہیں ۔ انہوں نے کہا کہ ا یف سی ایسی فورس ہے جس کی ضرورت ہر وقت اور ہر جگہ پڑتی ہے۔
