کراچی( شوبز رپورٹر) معروف پاکستانی گلوکار اسرار کا انگریزی گانا ریلیز کے لئے تیار ہو گیااسرار کا شمار ملک کے مقبول گلوکاروں میں ہوتا ہے جو بہت سے مقبول گانے گاچکے ہیں تاہم اب انہوں نے پہلی بار انگریزی گانا بھی گایا ہے۔اسرار کے ہمراہ اس گانے میں مشہور امریکی جیز گلوکارہ Zens Moses کی آواز بھی شامل ہے جس کا ٹائٹل "Aye yo” ہے۔گانے کی شاعری اور دھن اسرار کی ہے جس کا میوزک لاہور میں اسرار اور ماجد رضا نے تیار کیا ہے۔گانے کی وڈیو امریکی ریاست فلاڈیلفیا میں شوٹ کی گئی۔یہ گانا رواں ہفتے اسرار کے آفیشل یو ٹیوب چینل سمیت دیگر سوشل میڈیا فورمز پر بھی ریلیز کیا جائے گا۔اس بارے میں اسرار کا کہنا ہے کہ انہیں یقین ہے کہ شائقین موسیقی ان کی یہ کاوش بھی ضرور پسند کریں گے۔