اسلام آباد۔(نمائندہ خصوصی )وزیراعظم محمد شہباز شریف کی زیر صدارت انسداد اسمگلنگ کے حوالے سے سول آرمڈ فورسز کی کارکردگی سے متعلق اہم اجلاس ہوا، وزیراعظم نے اسمگلنگ میں کمی لانے کے حوالے سے قانون نافذ کرنے والے اداروں کو خراج تحسین پیش کیا اور کہا کہ ملکی تاریخ میں پہلی بار اسمگلنگ میں خاطر خواہ کمی دیکھنے میں آئی ہے۔ وزیراعظم آفس کے پریس ونگ سے ہفتہ کو جاری بیان کے مطابق وزیراعظم نے کہا کہ ہمیں آپ لوگوں پر فخر ہے کہ آپ کٹھن حالات اور چیلنجوں کے باوجود اپنے فرائض سرانجام دے رہے ہیں۔وزیراعظم نے کہا کہ اسمگلنگ کے خلاف جنگ میں کئی اہلکاروں نے جام شہادت نوش کیا، پوری قوم انہیں سلام
پیش کرتی ہے۔ انہوں نے کہا کہ آپ کی کوششوں سے ملکی خزانے کو اربوں روپے کا فائدہ ہو رہا ہے،اسمگلنگ کے خلاف جنگ میں سول آرمڈ فورسز کو حکومت کی بھرپور حمایت حاصل رہے گی۔ وزیراعظم محمد شہباز شریف نے سول آرمڈ فورسز کو ہر ممکن سہولت کی فراہمی،جدید آلات اور ٹیکنالوجی سے لیس کرنے کی ہدایت کی۔اجلاس میں چیف آف آرمی اسٹاف جنرل سید عاصم منیر نے خصوصی شرکت کی ۔اجلاس میں وفاقی وزیر اقتصادی امور احد خان چیمہ ، وفاقی وزیر داخلہ سید محسن رضا نقوی، وفاقی وزیر خزانہ و محصولات محمد اورنگزیب ، آئی جیز ایف سی خیبر پختونخوا اور بلوچستان، ڈی جیز رینجرز پنجاب اور سندھ، ڈی جی پاکستان کوسٹ گارڈز اور دیگر اعلیٰ سرکاری افسران نے شرکت
وزیراعظم محمد شہباز شریف کی زیر صدارت انسداد اسمگلنگ کے حوالے سے سول آرمڈ فورسز کی کارکردگی سے متعلق اہم اجلاس، اسمگلنگ میں کمی لانے کے حوالے سے قانون نافذ کرنے والے اداروں کو خراج تحسین
جواب دیں
ہماری ویب سائٹ پر تازہ ترین خبریں حاصل کریں۔
