لاہور۔: (نمائندہ خصوصی )وزیر اعلیٰ پنجاب مریم نواز سے جمعرات کے روز یہاں مختلف اضلاع سے تعلق رکھنے والے ارکان اسمبلی نے ملاقات کی اورعمومی سیاسی صورتحال وترقیاتی امور پر تبادلہ خیال کیا ۔سینئر صوبائی وزیر مریم اورنگزیب، سینیٹر پرویز رشید اور معاون خصوصی ذیشان ملک بھی اس موقع پر موجود تھےملاقات کرنے والوں میں جہانیاں کے ایم این اے چودھری افتخار نذیر، ساہیوال کے ایم پی اے قاسم ندیم، لاہور کے ایم پی اے محمد شعیب صدیقی اور سیالکوٹ کے ایم پی
اے خرم خان ورک شامل تھے۔ ارکان اسمبلی نے متعلقہ حلقوں کے مسائل اور عوامی ضروریات سے وزیر اعلی پنجاب کو آگاہ کیا۔مریم نواز نے ارکان اسمبلی سے گفتگو کرتے ہوئے کہا کہ گلی، محلے، شہروں اور دیہات کی صفائی ستھرائی کا بہترین نظام وضع کر رہے ہیں، ڈویژنل ہیڈکوارٹر اور بڑے شہروں میں پبلک پرائیویٹ پارٹنر شپ کے تحت سالڈ ویسٹ مینجمنٹ سسٹم لا رہے ہیں۔انہوں نے کہا کہ ہر گلی محلے کو صاف دیکھنا چاہتی ہوں جس پر جلد کام شروع کر دیا جائے گا، عوام کے بنیادی مسائل کوحل کرنا اولین ترجیح اور اس کیلئے تمام ممکنہ وسائل فراہم کئے جائیں گے ۔مریم نواز نے کہا کہ ساہیوال میں فراہمی و نکاسی آب کا جدید ترین پراجیکٹ تیزی سے تکمیل کی جانب گامزن ہے جبکہ ملتان، جہانیاں، وہاڑی و دیگر شہروں کیلئے ملتان وہاڑی ایکسپریس وے بنائیں گے، اسی طرح سیالکوٹ کے ہسپتال میں کیتھ لیب اور کارڈیالوجی کی دیگر سہولیات فراہم کی جائیں گی۔
وزیر اعلیٰ پنجاب مریم نواز سے مختلف اضلاع سے تعلق رکھنے والے ارکان اسمبلی کی ملاقات، سیاسی صورتحال وترقیاتی امور پر تبادلہ خیال کیا
پچھلی پوسٹ
اوور بلنگ پرلوگوں کوریفنڈ ملنا شروع ہو گیا ہے،جو لوگ بجلی چوری کر رہے انہیں خمیازہ بھگتنا پڑے گا،وفاقی وزیر داخلہ محسن نقوی
اگلی پوسٹآئی ٹی سیکٹر کی ترقی پہلی ترجیح ہے، وزارت آئی ٹی وزیر اعظم کے ویژن کے تحت کام کر رہی ہے، وزیر مملکت شزہ فاطمہ کا پاک قطر آئی ٹی ٹاور کی افتتاحی تقریب سے خطاب
جواب دیں
ہماری ویب سائٹ پر تازہ ترین خبریں حاصل کریں۔
