اسلام آباد۔: (نمائندہ خصوصی ):وزیرِ اعظم محمد شہباز شریف نے بلوچستان کے ضلع ژوب میں دہشت گردوں کے خلاف کامیاب کارروائی پر پاک فوج کے بہادر جوانوں کو خراجِ تحسین اور جرات و بہادری کا مظاہرہ کرتے ہوئے جامِ شہادت نوش کرنے والے میجر بابر خان کو خراجِ عقیدت پیش کرتے ہوئے کہا ہے کہ دہشت گردی کی عفریت کے ملک سے خاتمے تک اس کے خلاف جنگ جاری رکھیں گے۔منگل کو وزیراعظم میڈیا آفس سے جاری بیان کے مطابق وزیراعظم نے کہا کہ پاک فوج کے جوانوں نے مثالی جرات و
بہادری کا مظاہرہ کرتے ہوئے دہشت گردوں کو جہنم واصل کیا،مجھ سمیت پوری قوم کو اپنے بہادر جوانوں پر فخر ہے۔وزیرِ اعظم نے آپریشن کے دوران جرات و بہادری کا مظاہرہ کرتے ہوئے جامِ شہادت نوش کرنے والے میجر بابر خان کو خراجِ عقیدت پیش کیا اورمیجر بابر خان شہید کی بلندیِ درجات اور انکے اہلِ خانہ کیلئے صبر جمیل کی دعاکی۔وزیر اعظم نے کہا کہ پاک فوج کے افسران و جوانوں کی ملکی سلامتی اور دہشت گردی کی عفریت کے ملک سے خاتمے کیلئے لازوال قربانیاں ہیں، دہشت گردی کی عفریت کے ملک سے خاتمے تک اس کے خلاف جنگ جاری رکھیں گے۔
وزیرِ اعظم کی ضلع ژوب میں دہشت گردوں کے خلاف کامیاب کارروائی پر پاک فوج کے بہادر جوانوں کو خراجِ تحسین ، جامِ شہادت نوش کرنے والے میجر بابر خان کو خراجِ عقیدت پیش
پچھلی پوسٹ
گزشتہ 24 گھنٹوں کے دوران پنجاب بھرمیں 1381ٹریفک حادثات میں 12افراد جاں بحق، 1447زخمی ہوئے، ریسکیو 1122
اگلی پوسٹبیرون ملک مقیم پاکستانیوں کے لیے سازگار ماحول پیدا کرنے اور قومی ترقی کے ایجنڈے کے لیے ان کے نظریات اور صلاحیت کو بروئے کار لایا جائے گا، پاکستان کے نائب وزیراعظم اور وزیر خارجہ سینیٹر محمد اسحاق ڈار کا انٹر ایکٹو سیشن میں اظہار خیال
جواب دیں
ہماری ویب سائٹ پر تازہ ترین خبریں حاصل کریں۔
