راولپنڈی: مسلم لیگ ن کے رہنما کیپٹن (ر) صفدر، حنیف عباسی سمیت 5 لیگی رہنماؤں کو اشتہاری قرار دے دیا گیا۔
اے آر وائی نیوز کے مطابق مسلم لیگ ن کی احتجاجی ریلی میں کار سرکار کی مداخلت پر دفعہ 144 کی خلاف ورزی کرنے پر 5 لیگی رہنماؤں کو اشتہاری قرار دیا گیا۔
سول جج ملک مبشر حسین کی عدالت نے لیگی رہنماؤں کو اشتہاری قرار دیا۔
ذرائع کے مطابق کیپٹن (ر) صفدر، حنیف عباسی سمیت لیگی رہنماؤں پرتھانہ نیو ٹاؤن میں مقدمہ درج ہے، مقدمےمیں دیگر شریک ملزمان کو عدالت نے بری کردیا۔
واضح رہے کہ نیب عدالت کی جانب سے کیپٹن ر صفدر کو ایک سال قید کی سزا سنائی گئی تھی۔
کیپٹن (ر) صفدر کو مریم نواز کی جھوٹی ٹرسٹ ڈیڈ پر گواہی کے الزام میں سزا سنائی گئی تھی، نیب حکام نے انن کی گرفتاری کا وارنٹ جاری کیا تھا۔
یاد رہے کہ کیپٹن (ر) صفدر نے آبائی علاقے کی بجائے راولپنڈی سے گرفتاری کا اعلان کیا تھا۔
