کراچی ،کم از کم رمضان میں تو گیس دے دو، لوڈ شیڈنگ سے تنگ شہریوں کا مطالبہ

اسلام آباد /کراچی(نمائندہ خصوصی) ملک کے مختلف شہروں میں گیس لوڈشیڈنگ سے تنگ شہریوں نے مطالبہ کرتے ہوئے کہا ہے کہ کم از کم رمضان میں تو شیڈول کے مطابق گیس دے دو۔تفصیلات کے مطابق کراچی کے مختلف علاقوں میں گیس لوڈ شیڈنگ کے باعث شہری پریشان ہوگئے، انہیں سحر و افطار کی تیاری میں مشکلات کا سامنا کرنا پڑ ا ۔گوجرانوالہ میں گیس نہ ملنے پر شہریوں نے حکومت سے شکوہ اور شیڈول کے مطابق گیس کی فراہمی کا مطالبہ کیا ہے۔اس کے علاوہ ملتان، فیصل آباد اور راولپنڈی میں شہری گیس لوڈشیڈنگ سے پریشان ہوگئے۔شہریوں کے مطابق سحری اور افطار کی تیاری بھی مشکل ہوگئی ، سلنڈر پر کھانا پکائیں گے تو اس مہنگائی میں کیسے گزارا کریں گے۔