نائیجیرین مسلح افواج کے چیف آف ڈیفنس اسٹاف جنرل لکی ایرابور نے نیول ہیڈکوارٹرز اسلام آباد کا دورہ کیا۔ نیول ہیڈکوارٹر زاسلام آباد آمدپر چیف آف دی نیول اسٹاف ایڈمرل محمد امجد خان نیازی نے معزز مہمان کا استقبال کیا۔
ملاقات کے دوران دونوں معزز ین نے باہمی دلچسپی کے پیشہ وارانہ ا مور بشمول دوطرفہ بحری تعاون اور علاقائی سیکیورٹی پر تبادلہ خیال کیا ۔معزز مہمان نے بحرِ ہندمیں میری ٹائم سیکیورٹی اور استحکام کے حوالے سے پاک بحریہ کے کردار کو سراہا۔
نائیجیرین مسلح افواج کے چیف آف ڈیفنس اسٹاف کے حالیہ دورہ سے دونوں ممالک کی مسلح افواج کے مابین دو طرفہ تعاون کو مزید فروغ ملے گا۔
